Ua faailoa e le ofisa sili o le falemai I Middlemore, Dr Pete Watson, ua sauni le auaunaga mo se tulaga tele o le a oo iai le pepesi a le omicron ile atunuu. Taua e Watson sa penefiti mai le maota gasegase ile lua tausaga talu ai o le faamai ina ua maua ai le avanoa o le aufaigaluega e sauniuni ai mo se tulaga tele e oo iai le pepesi a le faamai.
Ua faaleleia vaega o le falemai ma le tulaga o le ea mama I totonu ma ua faamautu mole saogalemu e le gata I gasegase ae faapea foi ile aufaigaluega. E 600 afe tagata ile falemai faaitumalo o Counties Manukau pei ona faailoa e le Televise a Niu Sila ma talu mai ona amata le faamai ua vaaia I le maota gasegase le silia male 5900 o tagata aafia ile koviti e aofia ai ma latou sa faanofoesea.
E ui sa iai gasegase ole koviti sa togafitia ile falemai peitaie lei iai se faamaoniga o le pepesi o le faamai mai lea tagata I lea tagata I totonu o le maota gasegase. Fai mai le ofisa sili ole feau mo tagata oloo manaomia le fesoasoani male tausiga ile taimi o le pepesi o le faamai, afai o gasegase ma manaomia se fesoasoani ia mautinoa e te agai ane ile falemai.
