O le a faata’ita’ia e le pisinisi o le Bunnings le faia o health stations poo nofoaga e mafai ai ona siaki le toto maualuga o le tagata pe a aga’i atu i o latou faleoloa.

Fai mai e 30 faleoloa o le a faata’ita’ia ai lea faiga ma o le a fesiligia ai le matua o le tagata faatau, tulaga tau le soifua ma le tala’aga o le aiga a o lei faia le siaki o le toto maualuga ma e mafai foi ona fua ai ma le mamafa o le tino.

Afai ae maua i su’esu’ega ia o loo aafia le tagata i le toto maualuga, ona fautuaina lea o le aga’i sa’o i se falema’i pe tuuina foi iai ni fautuaga ma ta’iala ma e mafai lava ona mulimulita’i ai le auaunaga e ala i le faaaogāina o se app.

O loo iai le faamoemoe o le ausu’esu’e mai UNSW ma le George Institute for Global Health o le a mafai e lea polokalama ona iloa nisi o cases ma faailoa faamatalaga ia atili silafia ai lamatiaga o le aafia i le toto maualuga.

E lē totogia le auaunaga ma e na o le gasegase foi e mafai ona silafia le i’uga o lana siaki pe a faatino i ia nofoaga.

Puna o Faamatalaga: https://www.9news.com.au/national/hardware-giant-bunnings-set-to-trial-blood-pressure-testing-stations/89bdf95c-393b-446c-8f49-b0423ea3928d