Ua folafola mai e le faigamalo a Fiti o loo nofo sauni mo le faataunuuina o nisi o ana fuafuaga faaupufai o malo.
Ua faailoa e le RNZ faamatalaga mai nisi o sui sinia o le malo o Fiti e faapea ua ioeina fuafuaga mo le faatūina o ni ofisa mo le malo o Isaraelu faapea ma le United Arab Emirates i Suva.
O le 1970 na amata ai sootaga a Fiti ma Isaraelu ma ua faailoa o le iai o se ofisa o Isaraelu i Suva o le a faamalosia atili ai le sootaga o atunuu e lua.
O le tausaga talu ai na tatala ai le ofisa o Fiti i Ierusalema ma toe faamalosia ai e le Palemia o Fiti, Sitiveni Rabuka le mana’oga e fausia ala laupapa ae lē o pa puipui i le va o atunuu, aganuu ma tagata.
O loo iai foi le ofisa o Fiti i Abu Dhabi lea na tatala i le 2012.
Puna o Faamatalaga: https://www.rnz.co.nz/international/pacific-news/590148/fiji-set-to-host-israel-and-uae-embassies-in-suva-to-boost-middle-east-ties
