O le teena e Daryl Mapu ma Marie Fanueli o moliaga e ono e aofia ai le umia o le pauta faasaina o le aisa le methephatamine, umia o ni laau malosi e le faatagaina i Samoa, umia o ni ututau ma le umia o paipa e fesootai i le faaaogaina o le aisa.
Ua taunuu ai le suesuega a le faamasioga sili i mau a leoleo ma mau a i laua na molia, i le faamaonia uma o moliaga o Daryl Mapu, ae faaleaoga moliaga o le tamaitai o Marie Fanueli.
O i laua nei o ni tagata faigaluega o le Ofisa o le Komisi o Faigapalota, ma o le aso 28 o Tesema o le tausaga na tea nei i se osofaiga a leoleo, na maua ai pauta faasaina ma laau malosi i le fale o Daryl Mapu i Nuu fou.
O se tasi o komesina lagolago o le ofisa o faigapalota, a o Marie Fanueli o se tasi o tagata faigaluega o lea auaunaga a le Malo. Ua faatulaga nei o le masina fou o Oketopa o le a lau ai se faasalaga o Daryl Mapu.
