Ua tau fai sauni uma ‘au a alii ma tamaitai mo le faaauauina o taaloga a le HSBC Sevens series, le lakapi taitoafitu lea o le a amata i Dubai i le asō. E 12 ‘au a tamaitai o le a iai mo le taamilosaga o le 2023 ma le 16 o ‘au a alii.
E lua aso o le taamilosaga ma o le uluai vae lea o le taamilosaga mo le itupa o tamaitai ae o le vae lona lua mo le itupa o alii.
O Ausetalia o loo sili nei i le taamilosaga i le itupa o alii faapea foi ma tamaitai i le mae’a mai o Hong Kong i le masina talu ai.
Mo le itupa o alii o le pulu A o loo tausinio ai Ausetalia, Aferika, Great Britain ma Kenya. Pulu B o Fiti, Argentina, NZ ma Uruguay. Pulu C o Farani, Aialani, Spain ma Uganda ma le Pulu D o loo finau ai Samoa, Amerika, Kanata ma Iapani.
