O le ogatotonu o le tausaga fou lea o le a taunuu mai ai loa le Open Banking i lona atoaga i totonu o Niu Sila.

Mai le Payments NZ lea e gafa ma le system o loo faia ai peimeni i totonu o Niu Sila, o le masina o Me o le tausaga fou o le a ofi mai ai loa fale tupe tetele a le ANZ, BNZ, ASB ma le Westpac e faia le Open Banking a Niu Sila, ae o le 2026 e faatoa ofi mai ai le Kiwibank.

O le Open banking e mafai ai ona fefaasoaa’i faamatalaga i le va o faletupe peitai e iai tulafono a le malo e tatau ona faia mo le puipuiga, ona o le itu lamatia o loo sau ai foi.

Molimau a le Payments NZ o se laasaga tele le ofi mai o faletupe tetele i totonu o le Open Banking a Niu Sila ma o paaga poo tagata lautele lea e telē lo latou penefiti mai lea suiga.