Ua sau le faatonuga mai le pulenuu o Aukilani, Wayne Brown e taofi loa i le taimi nei lava poloketi nei e faatupe i tupe o lafoga o le penisini, poo le Auckland’s regional fuel tax.
O faaupuga nei o le tusi a le pulenuu ua tuuina atu i le Auckland Transport i le aoauli ananafi.
O lafoga nei ua mae’a faailoa mai e le malo i le vaiaso talu ai o le a faamuta i le faaiuga o Iuni o le tausaga nei, ma mai le pulenuu ua lē mautonu ai nei le tele o poloketi a le Auckland Transport na tele ina faamoemoe iai.
Mai le malo o le aveesea o lea lafoga o le a faamāmā ai le avega a tagata Aukilani.
E $170 miliona i le tausaga na maua mai i lafoga nei talu ona amata ao mai le tausaga e 2018, ma a o sau ai le faatonuga mai le pulenuu e pei ona ta’ua, ua ia faamanino foi e lē o iai se fuafuaga e sii rates a Aukilani e suitulaga i lafoga o le a faamuta.
