Ua sau i lalo le fuainumera o tagata tala penefiti peitai o loo maualuga pea faatusa i le taimi ae e le’i sau le Koviti

Faamaumauga sau i tua ananafi e 11.7% o tagata 18 i le 64 tausaga tusa lea ma le 368,000+ na faamoemoe i le penefiti i totonu o le kuata mulimuli o le 2021

Ua sau ai i lalo mai le 12.4% sa iai I le faaiuga o le 2020

O le faaiuga foi o le masina faatoa uma atu faamauina ai ua pau mai I le 188,000 tagata maua le penefiti ua taua o le jobseeker benefit, mai le 212,500 i le taimi lava lea o le 2020

I le vaai a le sooupu o social development a le National, Louise Upston o se ata lea o le toatele o loo faalagolago i le penefiti i lalo o faigamalo a le Labour

Upuia ai foi e le sooupu le malo i le le faia o se system e fesoasoani ai e lagolago tagata aua le agai i galuega mautu

Peitai tali a le minisita o le social development, Carmel Sepuloni o nei faamaumauga ua atagia mai ai galuega a le malo ao feagai ai foi ma le Koviti