O loo iai manu’aga o se alii mai Melepone i le afi na sasao ane i lona fale i le itu i Matu o Melepone i le taeao foi analeila.
O le afi na aafia ai le fogafale lua lea i Rhodes Parade i Pascoe Vale poo le ‘afa o le fā i le vaveao ma o loo masalomia le mafuaaga o le afi e pei ona faailoa e le tineimu.
O lē ua aafia pe ā ma le 60 tausaga le matua ma sa togafitia i le nofoaga lea ma aveina atu ai i le falemai e fai si tigaina.
Na faailoa i le lipoti na aveesea uma ai ma isi e aumau lalata ane i le fale lea ona o popolega mo le saogalemu.
E oo mai i le taimi nei o loo galulue ai le aufaigaluega i le faatinoina o suesuega i le mafuaaga o le afi.
