Ua osofa’i e Isaraelu nofoaga i Yemen e pei ona faamaonia mai e le latou militeli ae faato’ā tasi le aso talu ona fana ane e le vaega a le Houthis lea e lagolago e Iran, ni a’upega na aafia ai le malaevaalele autū a Isaraelu.
Fai mai le CNN ua manino le faamatalaga a le Palemia o Isaraelu, Benjamin Netanyahu o le a toe tali atu i osofa’iga ia mai lea vaega ma ua folafola foi o le a malosi le toe tali atu i nei osofa’iga.
Ua ta’ua i lipoti pe to’atasi le tagata ua maliu ai i le osofa’iga lea ma le to’a 35 o loo manunu’a mai se fale gaosi simā i Yemen.
O loo folafola foi e le Houthis o le a o latou toe osofa’ia foi Isaraelu e taula’i lava i malaevaalele ma ua o latou fautuaina foi kamupani vaalele faavaomalo e tatau ona faalēaogā a latou faigamalaga aga’i i malaevaalele a Isaraelu.
O loo mata’itū e tagata le tulaga o le a iai lea vevesi.
Puna o Faamatalaga: https://edition.cnn.com/2025/05/05/middleeast/israel-strikes-houthi-yemen-telaviv-airport-intl-latam
