O lipoti ua alia’e e faatatau i le fasiotia e Isaraelu o se talavou Palesitina ma iai foi lona pito Amerika, ua faaosofia ai le feita o le to’atele o tagata Palesitina.
O le faalavelave lea e faapea e to’alua foi isi o loo manunua ai i le West Bank i le po o le aso sa na tea nei ae o le faamatalaga a le militeli a Isaraelu, sa taula’i a latou osofa’iga i se kulupu na tau’ai ane maa ia latou taavale.
O le Kovana o Ramallah laila Ghannam na ia ta’ua o le tamaitiiti 14 tausaga ua maliu na fana e vaega’au a Isaraelu i le aai o Turmusaya ma o le isi foi to’alua o loo manunu’a o talavou Palesitina foi e iai o latou pito Amerika.
Fai mai o le talavou ua maliu na ola ane i New Jersey i Amerika ma o le faamatalaga mai le ofisa o le malo o Amerika e pei na faailoa e le CNN ua faamaise ai i le aiga o le tamaitiiti ua aafia ma le faamatalaga o loo faia le su’esu’ega i le sa’o o le mataupu lea.
Puna o Faamatalaga: https://edition.cnn.com/2025/04/06/middleeast/palestinian-american-teen-killed-israel-intl-hnk/index.html
