Ua saini nei se konekarate a lē sa taalo muamua i le All Blacks ma o se alo foi o Samoa o Julian Savea i le Moana Pasefika mo le taamilosaga o le Super Rugby Pacific i le tausaga fou 2024.
O le alii o Savea o se tama taalo foi o le Hurricane ua 54 ana taaloga faavaomalo ma ua 33 tausaga o lona soifua.
O le faiaoga fou ua iai nei o le Moana Pasefika, Tana Umaga ma ua ta’ua i lipoti sa toatele lava na taumate i le tulaga ua faailoa mai nei ma ua faailoa e Savea e lagona le fiafia ma le faafetai i le taimi atoa sa taalo ai mo lana kalapu le Hurricanes ma o le a tuu atoa foi le malosi i lana konekarate o le a agai atu iai.
O Julian e mai afioaga o Siumu, Luatuanuu ma Faleasiu uta.
