Ua aloaia nei le galulue faatasi o le Greens ma le Leipa
O le aso ananafi na saini aao ai taitai o le Greens, Marama Davidson ma James Shaw, faapea ai le tamaitai palemia, Jacinda Ardern ma lona sui, Kelvin Davis
E le o se maliega e tamomoe faatasi ai o ni vaega faaupufai o umia malosiaga tutusa e taitaia ai NZ, poo le coalition e pei ona sa iai I le paeaiga talu ai, peitai o se maliega e talia ai e le Greens lona lagolago I le faigamalo a Jacinda ma le Leipa.
I le ofo mai ai o le ioega ma le lagolago a le Greens, ua agavaa ai ma ona taitai Davidson ma Shaw e saofaga atu I le laulau a le kapeneta, e ui o ni sui I fafo mai o le saofaiga o le kapeneta a le Leipa, ma e faatoa valaau foi I fonotaga e patino I matagaluega o le a o laua vaaia
I le mautinoa ai la tofi minisita nei e toalua, o le aso o le a faailoa mai ai e le tamaitai palemia le lisi atoa o lana kapeneta o lenei paeaiga.
