Ua lima tausaga talu ona amata le Koviti-19 i Whulan i Saina ae o lea ua una’ia e le WHO poo le World Health Organisation le malo o Saina ina ia faasoa faamatalaga e uiga i le amataga o le vairusi.
E pei ona silafia aafiaga o le koviti i le lalolagi na mafua ai lockdowns, o sā ma aiaiga e tatau ona tausia e tagata uma ma o Melepone na aupito sili ona loka soo.
O se vairusi na eseese ai tagata ma suia ai le lalolagi.
Fai mai le faatonu o le WHO o loo faaauau pea ona avea le Koviti-19 ma faamata’u i le soifua o le tagata ma ua una’ia ai Saina ua tatau ona faasoa mai le mafua’aga o lea vairusi ina ia sauniuni ai ma malupuipuia le lumana’i o atunuu ma o latou tagata.
E lē o ta’ua i le lipoti se tali a Saina i lea finagalo faaalia o le WHO.
Puna o Faamatalaga: https://www.sbs.com.au/news/article/five-years-on-who-urges-china-to-share-covid-origins-data/e0ca33kh9
