Ua lapata’i ane Saina e leai se maketi mo taumafa mai le sami a Iapani, Japanese seafood exports, o le gaioiga aupito lata mai lea ua faailoa mai Beijing i le la matāupu ma Iapani e māfua mai lava i faamatalaga sa faia e le Palemia fou ua iai nei o Sanae Takaichi na ia saunoa ai e ono gaioi ane le militeli a Iapani pe afai e iai se fuafuaga e faia a Saina ia Taiwan.
Ua silia nei ma le vaiaso o faia ane pea faasalalauga a Saina ma ona ofisa faasalalau e faasaga i faamatalaga mai le Palemia o Iapani atoa ai ma faamata’u ua fai ane i tulaga tau le tamaoaiga ma isi se’i vaganā ua toe faafoi saunoaga ia a le tama’ita’i Palemia.
Faato’ā toe amata i le amataga o le tausaga nei ona auina atu i Saina taumafa mai le sami a Iapani e faatau ai ae o lea ua toe faaāta e le ta’ita’i o le a leai se maketi o oloa ia a Iapani i Saina. Ua mae’a la lapata’iga i le faimalaga i Iapani ae o lea ua faasolosolo ane i taumafa.
Puna o Faamatalaga: https://edition.cnn.com/2025/11/19/china/japan-china-taiwan-dispute-intl-hnk
