O se vaalele helicopter a le navy a Saina ua lipotia na lele ane toe tolu mita mai se vaalele petolō a le Atu Filipino sa iai i le faaitu o le South China Sea ma faaosofia ai pailate a le Atu Filipino e lapata’ia lea vaalele e ala i le ualesi leitio ma faailoa iai ua fai si pipii tele atu o lana lele ma ua oo ai i se tulaga lamatia.
Ta’ua e le 9News o le vaalele helicopter lea a Saina sa taumafai e aveese faamalosi mai le vaalele a le Atu Filipino mai le itu lea o le South China Sea lea e manatu latou o le latou airspace.
E le’i leva atu foi i le vaiaso talu ai na lipotia ai e le malo o Ausetalia le lele ane o se vaaleletau a Saina a o faia se petolō masani a Ausetalia ma fana a’e se flare pe ā ma le 30 mita mai le vaalele a Ausetalia, o se gaioiga lē saogalemu tele.
O se pepa o faamatalaga mai le Southern Theatre Command ua ta’ua ai ua faasalalau e le Atu Filipino faamatalaga sese ma le lē sa’o.
Puna o Faamatalaga: https://www.9news.com.au/world/chinese-navy-helicopter-flies-within-three-metres-of-philippine-plane/fb88eca4-103e-4d58-bf4e-93a84214e54f
