O loo iai popolega o leoleo ma le aiga o se tina maitaga i le saogalemu o lea tina ma lana fanau e toatolu lea o loo lipotia le tau sailia i le faaitu o Campbelltown i Sini foi.
O le popolega o le aiga ona fai mai o tamaiti e toatolu e iai a latou medication poo fualaau mo togafitiga e tatau na inumia.
Ua faailoa na amata sailia mai lea tina i le Aso Sa na tea nei ma lana fanau tama e toatolu.
O le tina o Elizabeth Sharpley ma o tamaiti e amata mai le 5, 9 ma le 10 tausaga le matutua.
Fai mai na mulimuli vaaia i se paka i Campbelltown poo le ta o le 2 i le aoauli o le Aso Sa. E talitonuina o loo iai faatasi ma se alii e 49 tausaga e iloa foi e le aiga ma o loo ono malaga ane i se jeep lanu mumu e lesitala i Kuiniselani.
O loo talosagaina nisi e silafia pe vaai foi i nai tamaiti ina ia vave logo se ofisa o leoleo pe vili le 000.
