nz police

Sailia e leoleo Olivia Brodie, ma le sui ole Head Hunters

O loo tau sailia e leoleo se tamaitai talitonuina o loo iai ma se sui o se kegi o loo sailia e faatatau I le faalavelave na tulai mai I le Sofitel Hotel I Aukilani.

O loo tau sailia e leoleo Olivia Brodie 25 tausaga, fetauaina ua solia tuutuuga o lona toe tatala ai I tua I seisi foi mataupu e leai se faia ma le faalavelave na tupu.

O loo talitonuina o loo iai faatasi ma le sui o le kegi ale Head Hunters o Hone Reihana ma o loo iai popolega o leoleo I lona saogalemu.

O Reihana e 27 tausaga le matua ma e iloa foi ia Hone Hawira, manaomia e leoleo ona o auupega ma isi moliaga. Fautuaina e leoleo le atunuu ia alofia le afea o Reihana ona e ono lamatia ai le soifua.

Ole faalavelave na tulai mai I le faletalimalo e talitonuina e iai sootaga I kegi ae faamatala e molimau le faalogoina o le pa pa ane o fana ma vaaia ai leoleo faaaupegaina I lea faaitu.

Fai mai le minisita o leoleo Poto Williams ua maea ona tuuina atu le lapataiga a leoleo I kegi uma e lua ina ia taofia vesiga ma uiga solitulafono.

Keep uptodate with Radio Samoa activity & promotion

* indicates required