Ua faavave ona tuuina ane ma faailoa e se tasi o aoga maualalo I Sini I matua faapea foi ma leoleo, se tasi o mataupu na tulai mai I le aoga na alu ane ai se alii ma tufa sukalati, le Cadbury Freddo Frogs I tamaiti ao taaalo ile taimi o le malologa.
Ole aso Tofi o le vaiaso talu ai na tupu ai le tulaga lea I le Ultimo Public School, taua na agai ane ai le tagata ile pa a le aoga ma tuuina ane sukalati I tamaiti.
Na ai e nisi tamaiti sukalati ae toatasi na agai atu ma lipoti le mataupu ile aoga.Na logoina vave loa e le aoga leoleo faapea foi ma matua ma faia ai loa le suesuega.
O molimau a matua o nisi o tamaiti I talafou e ese le tulaga popole na iai talu ona maua lea faamatalaga ma ua faatulaga foi la nisi o fuafuaga a le aoga e puipuia ai le fanau mai ituaiga tagata faapea.
Fai mai le matagaluega o Aoga o le saogalemu ma le ola manuia o le fanau e ave iai le faamuamua. E leai se tasi na aafia mai ia sukalati ae o loo suesue pea e leoleo le mataupu.
