I se lipoti lata mai i le su’esu’ega e faatatau i le tino maliu o se tamaitai na maua i se togavao e lata i le malaevaalele i Sini e pei ona aveina atu i talafou i le vaiaso talu ai, ua faailoa mai ua faaaogā nei e leoleo ata mai le CCTV e fesoasoani i le sa’iliga o nisi faamatalaga i lea mataupu.
O le tino maliu o Zhuojun Sally Li e 33 tausaga lea na maua i le togavao i Botany i le aso 9 o le masina nei ae sa lipotia o loo tau sa’ilia i le masina talu ai.
E lē mailoa poo fea o iai lona to’alua o Jai Bao Rex Chan 33 foi tausaga ma o loo faaauau ai i le asō le su’esu’ega a leoleo.
E iai se taavale o loo maua i ata mai le CCTV na aga’i ane i le faaitu na maua iai le tino maliu ma e talitonu leoleo o le taavale tonu lea na aveina ane le tamaitai i le nofoaga na maua iai.
E lē o lesitalaina lea taavale i lē ua maliu poo lona to’alua ma e masalomia e iai ma se isi tagata o loo aofia i lea mataupu.
O le taavale o le ituaiga o le Toyota Avensis ma ua faamatuu mai e leoleo ata pe ono maua ai nisi faamatalaga e tusa o le mataupu.
O Greenacre ua faamauina sa nonofo ai le ulugalii lea ma e lē o iloa la poo soifua pea le tamaloa, a o faaauau pea sa’iliga a leoleo.
O le tamaloa o se alii Asia.
Puna o Faamatalaga: https://www.9news.com.au/national/botany-body-urgent-search-for-rex-chen-after-body-of-wife-sally-li-found-in-sydney/e0b393fa-68bb-4997-b557-c3a037c0746d
