Fai mai lipoti a le BBC o fitafita mai Denmark na aveina atu i Greenland ia Ianuari, na nofo sauni mo le faapāpāina o vaega e tuuvaaese ai vaalele poo runways i Greenland ona o popolega ina ne’i ono osofa’ia e Amerika lea motu, o faamatalaga mai ia a le ualesi faasalalau a le atunuu o Denmark.
Fai mai isi lipoti mai le Financial Times e to’alua isi sui o le malo o Denmark na o latou faamaonia ane le tulaga lea ma e lē to’atele ni tagata sa silafia lea fuafuaga.
O Amerika ma Denmark o sui uma o le NATO ma o le matāupu lea ia Greenland ua fevaevaea’i ai nei atunuu e lua aemaise foi o Amerika ma ana paaga i le Atu Europa.
Ua lē faatasi ona saunoa Trump e mana’o e fao faamalosi Greenland ma ua lē faatasi foi ona tetee ane iai le ta’ita’i o iai nei o Denmark.
O le faamatalaga a se tasi o sui sinia mai le Atu Europa na fai i le Financial Times ua ta’ua ai, ina ua mae’a le osofa’iga o Venezuela ua manatu lava Amerika e mafai ona o latou savavali i luga o le vai ma faapea ane, tatou o e ave ma tatou lea atunuu ma lea nofoaga.
Ua ta’ua o le filifiliga a Denmark ua fai o le a tau pe afai e osofa’i ane e fitafita Amerika, laufanua o Greenland, o se vaega o lona atunuu.
Puna o Faamatalaga: https://www.bbc.com/news/articles/c33ln4mp1p2o
