E tusa ma le 5,872 cases fou o le Koviti ua lipotia i totonu o Niu Sila i totonu o le vaiaso ua tuanai atu, ae 19 isi tagata maliliu e faaopoopo e iai sootaga ma le vairusi.

Mai cases fou nei, o le 1,364 o cases o loo masalomia, ae o le isi 2,823 o tagata ua toe maua i le vairusi.

E oo mai i le po o le Aso Sa, aso 5 o Novema e 212 tagata o loo taofia i le falemai ona o le Koviti, e ese ai le isi toalima o loo taofia i se tulaga tigaina.

Ae i suesuega o loo faasolo pea i le Long Covid poo i latou e faaumiumi ona faalogoina pea auga o le Koviti e ui ua sau siaki ua negative, ua maua ai e lē o lava le lagolago mo i latou nei ma o le toatele o lea lava o loo toe foi i galuega e lei malolosi atoatoa.

O le 5,872 na lipotia mai ananafi, o se siitaga tele lea pe a faatusa i le 3,934 na lipotia mai i le Aso Gafua o le vaiaso talu ai.