O se alii mai Aukilani lea ua pueina e leoleo ina ua feta’ua’ina lona susunu o lona lava fale.

Na lipotia e le One News o leoleo na valaau anei i le mataupu lea i Clendon Ave i Papatoetoe i le toe10 i le 5 i le vaveao analeila.

Ua ta’ua i le lipoti na sola ese lea alii mai le fale ma ui ane i isi fale tuaoi ma ia tagofia ai se auupega o se naifi.

Ina ua taunuu atu leoleo sa teena e le alii lea le aveese o le auupega ma faaaoga ai loa e leoleo le taser ma taofia ai loa.

E le o iai ni manu’aga o lipotia ae o loo faatali ai le suesuega o loo faagasolo a leoleo.