E to’alua talavou na pu’eina e leoleo i le taeao analeila mai le itu i Sisifo o Sini i le mae’a o faalavelave sa faaaogā ai se fana, susunuina o se taavale ma se taavale na lavea ma e talitonuina e fesoota’i uma ia faalavelave.
Na taumafai leoleo e taofi atu se taavale lanu pa’epa’e i Rooty Hill poo le ta o le 2 i le vaveao analeila peitai e le’i tu ane ma amata ai loa se tuliga na faai’u ina ua lavea le taavale lea ma soso’a atu ai se isi taavale sa paka i Willis St lava.
E to’alua alii ta’i 17 tausaga na iai i totonu o lea taavale, e le’i iai se tasi na faamanu’alia.
I ni nai minute mulimuli ane na valaau ane le fesoasoani faavavave i Football Drive i Bungaribee, maua atu iai se taavale ua susunuina, 20 minute mulimuli ane toe valaau ifo leoleo i le taulaga faatau a Mt Druitt ma iloa ai faailo o ni pulufana sa tafana ai le faamalama o se tasi o pisinisi i le taulaga faatau.
I su’esu’ega a leoleo na faia mai i le taeao ua faailoa ai e manatu o nei faalavelave uma e tolu e fesoota’i.
O loo fesoasoani nei le aualii na pu’eina i leoleo i le faia o le su’esu’ega i nei faalavelave uma.
Puna o Faamatalaga: https://www.9news.com.au/national/barbershop-shooting-western-sydney-mt-druitt/80afbab9-b66c-4df7-8591-e906873a0d71
