E 19 tausaga o se alii talavou ua pu’eina e leoleo i le mae’a o le gaoiga o le faleoloa o Michael Hill Jewellery i Queen St i Aukilani i le taeao po o le Aso Lua.
Na maua atu i le ogatotonu o Aukilani ma pu’eina ai e pei ona faamaonia e se sooupu a leoleo. Ua molia i le gaoi ma na tulai i le faamasinoga faaitumalo i Aukilani i le aso ananafi.
Fai mai na toe maua ane mea sa gaoia mai le faleoloa ae ua ta’ua foi o i latou na osofa’ia le faleoloa na o latou tata’e se faamalama ma ulufale ai.
Lua taavale na vaaia o agai ese mai ma le nofoaga ae na maua mulimuli ane ua lafoai i se vaega lata ane.
Fai mai leoleo o loo faia pea le su’esu’ega ma e ono iai nisi faaopoopo e pu’eina ona o lenei mataupu.
