E iai le alii ua taofia nei e leoleo ina ua agai atu le vaega faaaupegaina a leoleo ma si’o se taavale sa iai i le pamu penisini i Takanini i le taeao analeila.
O se video ua faailoa i le Herald ua maua lelei ai ata o le taimi na si’o ai e taavale e fa a leoleo le taavale lea i le nofoaga o le pamu a le Gull i Porchester Road.
Pe a ma le 12 malu o le malo na vaaia o faata a latou fana i le taavale lanu uliuli sa vaaia ai se tamaitai o savali agai ane i leoleo.
Na sosoo ai le vaaia o se alii o agai ese mai ma le taavale ma lima o loo sisii i luga a o agai ane i leoleo.
Faamatala e molimau na vaaia isi taavale faaopoopo a leoleo o agai ane i le pamu a o lei taina le 11 i le taeao analeila ma ua ave ai nei lea alii mo le faia o suesuega.
O se tala mai leoleo ua lipotia ai e le Herald o le mataupu lea e faatatau i se alii sa tau sailia e leoleo ona o se mataupu sa tulai mai i Avondale i le po talu ai o loo feta’ua’ina ai le faaaogaina o ni auupega.
Fai mai tala feaveai na ulufale le tagata lea i se fale i Avondale poo le ta o le 10 i le po anapo ma faalala le fana i tagata sa iai i lea fale ma ua faailoa e masani uma i latou ia.
Ua faatali nei la poo a moliaga o le a feagai ma le alii ua pueina nei ma taofia e leoleo.
