Ua tele faitioga i le omoomo o auala i le tele o vaega o le atunuu, ma ua tapa ai e le minisita o fela’ua’iga se faamalamalamaga mai le matagaluega.

O lea ua tapa e le minisita ia Michael Wood se faamaoniga mai le Waka Kotahi poo iai se fuafuaga e fesootai ai i tagata lautele i lea mafuaaga ua tele ai omoomo i luga o auala a o le a foi se fuafuaga o iai i le toe faaleleia.

Mai le pulega a le NZTA poo le Waka Kotahi o lea o loo faasolo le faaleleia o auala e pei ona iai i le va o Setema o le tausaga nei faasolo atu ia Aperila o le tausaga fou le toe ta o Highways.

Mai le sooupu a le malo e latalata i le $7 piliona ua aumai e le malo e toe faaleleia ai auala tua faapea State Highway seia oo atu i le 2024.

Ua ipotia e silia ma le 500 faasea na faaoo atu i le pulega a le Waka Kotahi i totonu o le 10 masina muamua o le 2022 ona o le lē fiafia i le tele o omoomo ua faaleagaina ai ma taavale.