O le motorway i le itu i Saute i Sisifo o Aukilani lea e lata i le malaevaalele ua tapunia nei le agai i M ona o se faalavelave tau taavale ua tulai mai ai i le State Highway 20.
Ua lipotia e le NZ Herald ua talosagaina tagata ia faatuai pe ui ese foi mai lea faaitu ma faaaoga Massey Road ona o le poloka o le alatele.
O loo iai molimau ua ta’ua na o latou vaaia e iai taavale ua mafuli i lenei faalavelave ae faailoa foi e se sooupu a leoleo e lua taavale na aafia i le faalavelave lea na lipotia atu ia i latou poo le tea o le 12 i le aoauli nei.
O nisi lipoti ua ta’ua ai e toatolu tagata ua manunua i le faalavelave a o faagasolo ai suesuega a le vaega o leoleo e feagai ma faalavelave matuia.
O lona uiga o se faamanatu foi ia i latou o fuafua e faimalaga i le asō e ui atu i le malaevaalele i Aukilani ina ia silafia o loo poloka auala e fua agai iai a latou faatatau.
