Fai mai e oo atu ile tai miliona tupe poo polofiti e maua a supamaketi ile atunuu ile taimi nei mae manatu le malo e tatau ona lelei le tau o oloa mo tagata faatau. O le tali a le minisita ole Consumer Affairs, David Clark o loo taua ai o le lipoti a le Komisi o mataupu tau tupe,Commerce Commission, ua taua ai e tatau ona lelei ni tau o oloa mo le au faatau ma e tupu lea pe a tele le tauvaga, competition ma ua naunau o le a faia se faiga I le tulaga lea.
Fai mai ile lipoti ale Newstalk ole uluai laasaga a le malo o le a faia o le unaia lea o le faatuina o nisi faleoloa faaopoopo ma o le a iai foi nisi tulaga fou e faatulaga mo le sapalai o oloa siiatoa ma silasila I tulaga e pei ole malosiaga e faia ai faatau ma fetuunai tau.
Ua tusi atu le minisita I supamaketi e unaia ai le faia o ia suiga ma faailoa iai o le a iai nisi gaioiga e faatino pe a fai le usitaia nisi o tulaga ua faatulaga ane. Fai mai le taitaifono o le komisi, Anna Rawlings o le auala pito sili e faaleleia ai le tulaga faatauvaga I faleoloa o loo I auala e mafai ai e le faipisinisi tutoatasi ona faatu le pisinisi ma faalautele ae o se tasi foi o luitau o le le lava o nofoaga talafeagai e faalautele agai iai le pisinisi.
