O le masina o Mati o se masina o le a matuai pisi tele ai le falemai tele I Middlemore I Aukilani
O lea o loo taumafai le falemai tele I Middlemore e tali le toatele o loo agai atu ao faatetele ai le Omicron pei ona sau cases ananafi e 14,941 ma le Aso Toonai e 13,606
O Middlemore ua faamauina e toatele atu gasegase o loo togafitia ma taofia ai na I lo se isi lava falemai I totonu o Niu Sila, ma e ui I le toatele o loo taofia ua faamautinoa e Dr Pete Watson I tala a le 1News e na o le toalua gasegase o loo taofia I potu tigaina
Sau ai ma le fautuaga a Dr Watson I tagata o le komiuniti e aua le taofiofi e valaau mo se fesoasoani pe afai ua tigaina, a leai faavanoa le falemai mo gasegase o loo matuai moomia ona o le pisi tele ao lea foi ua aafia le aufaigaluega
O loo iai le faamoemoe o le falemai, poo se mea o le taimi o le Eseta o le a toe tau mama mai ai le pisi
