Ua taofi mo le taimi nei le aveina ane o uta o taavale taugatā mai Peretania a o feagai ai ia kamupani gaosi taavale ma lu’itau i le 25 pasene o tax ua faaopoopo i le aveina ane o taavale i Amerika.

O se tasi o kamupani gaosi taavale tele i Peretania le Jaguar Land Rover Automotive ua o latou faailoa o le a taofia le aveina ane o taavale i le masina nei ma ua faailoa i se pepa o faamatalaga mai ia i latou o Amerika o se maketi tāua tele mo latou ma o le a taofia mo le taimi nei le faataunuuina o le auaunaga a o faamautū nisi o a latou fuafuaga alualu mamao.

Ua faailoa foi i lipoti e le taumate e ono mulimulita’i ai foi ma isi kamupani fai taavale i le gaioiga ua faia e le kamupani lea ona o aafiaga lava o le tau ua siitia i le faataunuuina o ia foi auaunaga ona o totogi faaopoopo a Trump.

Puna o Faamatalaga: https://www.9news.com.au/world/jaguar-and-land-rover-maker-pauses-shipments-to-us-as-it-develops-posttariff-plans/5c15fac2-63bc-4ca5-8f8c-e696c80890f1