Fai mai na ulufale se vaa o sipai mai Lusia i ogasami o Peretania ma faasusulu a latou lasers i pailate o le militeli a Peretania.
O se faamatalaga lea na faamatala ane e le failautusi o le puipuiga a Peretania i le CNN ma faailoa ai ua feagai le atunuu ma se vaitau o faamata’u.
Saunoa le failautusi o le puipuiga a Peretania, John Healey, o le vaatau a le Ea Fosi a Peretania sa aga’i ane e māta’itū gaioiga a le vaa sipai lea mai Lusia ae faasusulu atu iai lasers ma o se tulaga ua tuu ai soifua o le aufaigaluega i se tulaga lamatia.
Faailoa mai iai le lē fiafia o le ofisa o Lusia i Lonetona ma le faamatalaga o le vaa o loo aga’i iai talanoaga o se vaa e fealua’i i ogasami faavaoalo mo le faatautaia o su’esu’ega tau le sami.
Ua manino le finagalo faaalia o le failautusi o le puipuiga a Peretania o gaioiga uma ia o loo fai a Lusia e lē taofia ai lo latou lagolago ia Ukraine.
Puna o Faamatalaga: https://edition.cnn.com/2025/11/19/uk/russia-spy-ship-yantar-lasers-britain-intl
