I le mae’a o le folasaga mai le Palemia o Ausetalia, Anthony Albanese e faatatau i le 925 miliona ua ofo ane e le malo e faatupe ai fesoasoani mo tagata e aafia i sauaga i totonu o mafutaga aemaise lava le itupa o tamaitai, ua fesiligia e nisi pe o le a faapefea la ona faaaogā lea vaega tupe tele.
O le lipoti a le 9News i le asō ua ta’ua ai o nisi o faiga faavae ua silasila iai le Kapeneta o le faatulafonoina lea o nisi o tulaga e faaitiitia ai sauaga aemaise lava i le itupa o tamaitai.
O le faasoaina o ata lē talafeagai o le a faatulafonoina e ui e lei faailoa maia faasalaga.
O le isi vaega o le a agai i ai taumafaiga o le faamaoniga o le matua o le soifua o le tagata e faaaogāina upega tafailagi ma e faaaogā ai faiga faaonaponei e sailia ai le faamaoniga ma o le a silasila foi i le toe faatulagana sa’o o polokalame e faaalia i luga o televise ma ata.
E faaopoopo atu i lea o le a faia foi se campaign e tetee ai i sauaga e faasaga i tamaitai atoa ai ma le faia o ni tulafono e faatatau le faamatuu atu o faamaumauga faalilolilo o se tagata i luga o upega tafailagi.
Puna o Faamatalaga: https://www.9news.com.au/national/domestic-violence-national-cabinet-online-safety-measures-explained/6889f512-a8f5-40e0-9543-14df6cb28a59
