Ua manino le valaau a le kamupani a le Australia Post mo ni tagata faigaluega i le agai atu i le vaitau o le Kirisimasi.
Pe ā ma le 3,000 tagata faigaluega lē tumau poo casuals o loo sailia ma o loo iai foi tomai faapitoa o loo sailia mai.
O le au avelifi, avetaavale o vans ma loli o loo aofia ai i le valaau faapea foi ma le au soka meli.
O setete uma o Ausetalia o loo maua ai ia avanoa faigaluega faapea foi ma teritori aemaise lava i Niu Sa Uelese, Vitoria ma Kuiniselani.
Fai mai le Australia Post a o tau lalata atu i le taimi pisi o le latou auaunaga ua sailia ai nisi e fesoasoani i le galuega, fai mai o le tausaga talu ai toeitiiti 100 miliona afifi na o latou kilivaina i le vaitau o le Kirisimasi.
E mafai ona talosaga online poo upega tafailagi mo ia avanoa.
Puna o Faamatalaga: https://www.9news.com.au/national/australia-post-looking-for-3000-casual-workers-lead-up-holiday-season/36cdf2c7-bbd2-4f29-9e5a-bef3914ac498
