O loo vaavaai le supamaketi a le Countdown e faapa’ū le tau o fualaau’aina ma fualaau faisua o loo maua faavaitaimi.
O lea o loo alu pea i luga le taugata o taumafa nei ma o se maualuga tele ua faamauina i totonu o le 32 tausaga, ma o fualaau’aina ma fualaau faisua ua sii i le 23% o latou tau.
Ua faamaonia mai ai e le sui o le pulega a le Countdown e silia ma le 100 faifaatoaga ua maua fesootaiga tuusao ma le supamaketi ma o vaiaso o i luma o loo faamoemoe o le a tele naua ai fualaau faisua faapea fualaau’aina, ma o loo naunau ia vave ona faaalu.
Ua sau ai ma le tala fiafia o le masina fou e tatau ona oo atu iai ua amata pa’ū tau o taumafa nei, ma o loo taumafai ia vave amata.
O fualaau’aina maua faavaitaimi lea ua ta’ua e se tasi o faifaatoaga e tatau ona amata pa’ū o latou tau mai le vaiaso a sau, ma afai ae sao o le a fesoasoani tele foi lea i le toe a’e o aoga a fanau.
