Ua maua sina faamāmā avega mo le au fai taavale i lo tatou atunuu ina ua faailoa tau fou o oloa tau suāuu ma penisini i Samoa mo lenei masina o Me.

Ua faailoa e le Minisita o Tupe le afioga Lautimuia Afoa Uelese Vaai, ua pa’ū le tau o le penisini, o le kiso ma le kalasini.

O tau fou ua iai nei o le penisini ua 3 tālā 2 sene i le lita, o le tau sa iai i le masina o Aperila e 3 tālā 9 sene i le lita.

O le diesel o lona tau fou ua 3 tālā 11 sene i le lita, o le tau tuai sa 3 tālā 17 sene i le lita.

O le kalasini ua 2 tālā 71 sene i le lita ae o lona tau sa iai ia Aperila sa 2 tālā 81 sene i le lita.

O le masina o Mati e pei ona faailoa e le Minisita o Tupe i se pepa o faamatalaga sa faaitiitia ai le tau o le suāuu e mafua mai i le lē mautonu o le tulaga o le tamaoaiga o le lalolagi e afua mai i faiga faavae fou mo lafoga i luga o oloa poo tariffs, lea sa faalauiloa e le faigamalo fou ua iai nei a le malo tele o Amerika.

O loo iai le faamoemoe e tumau pea le faaitiitia o le tau o suāuu i masina o lumana’i.