Ua pa’ū le pasene o le lagolago mo pati e tolu o loo fauina le malo faufaatasi a Niu Sila o loo iai nei.
O le faaiuga lea o le suesuega faapolokiki a le Taypayers’ Union mo le masina lenei, ma a faaliliu i nofoa o le Palemene, o lona uiga ua alu ese le isi nofoa e tasi a le National, toesea le 4 nofoa a le ACT ma le NZ First e tasi.
A faatusa i le itu agavale o le maota, minoi laititi agai i luga le Labour e pei ona siitia ai i le 0.4 points; Green Party ua laalaa i luma ma le 3.3 points, ae 2.1 points mo le pati a Maori.
Ae tuu mai i le Palemia e fiafia iai tagata, o loo tau fai pa’ūu uma ai taitai o le National ma le Labour, Christopher Luxon faapea Chris Hipkins.
E oo lava foi ia David Seymour o le ACT ma Winston Peters o le NZ First e faapea foi.
E tasi le afe tagata na fesiligia mo le suesuega lenei i le vaiaso talu ai, ma o le Curia le kamupani lea na faatautaia le suesuega mo le iuni, o le kamupani lava foi e tasi o loo faia suesuega o le lotoifale a le National.
Puna o Faamatalaga: National and Coalition partners ACT and NZ First slump in latest Taxpayers’ Union – Curia Poll | Newshub
