Ua pasia aiaiga faaletulafono poo le pili e faatulaga ai se referendum poo se fesili faapalota i le mataupu e faatatau i se leo o Indigenous people i le Palemene o le atunuu, ua pasia nei i le Maota o Sui.
E manaomia pea ona pasia le pili lea i le Senate e le taumate o le a fofogaina ai i le masina fou ona faatulaga ai loa lea e le faigamalo o iai nei se aso e faia ai le palota i le mataupu lea i le faaiuga o le tausaga nei.
O le iuga o le palota i le maota o sui e 121 e lagolagoina le pili ma le toa 25 sa tetee e mātele lava i sui o le National ma le Liberals.
O se tasi lenei o mataupu o loo gugulu ai le atunuu ma eseese ai foi finagalo faaalia, fai mai nisi ua alagatatau le tuu o le avanoa lea mo se leo o tagata na uluai nofoia le atunuu peitai o loo tetee foi iai nisi fai mai o le a tele ai foi le numi.
