Ua pasia le uluai paketi a le pulenuu o Aukilani, Wayne Brown ma o se palota e lei faigofie.
O le paketi lenei na lūgā lālō ai le talanoaina o le talosaga a le pulenuu e faatau ese sea a le Council o loo inivesi i le malaevaalele i Aukilani.
E uma ane le Aso Faraile ua mautinoa ua faatau ese le na o le 7% o sea a le Council mai lona aofaiga e 18%, sii rates i le 7.7% ma o le a aitalafu le $105 miliona faaopoopo.
Fai mai Brown o se paketi faigata tele lenei i le talafaasolopito o le Auckland Council, ma ona o lea ua faatau na o se vaega o sea o lona uiga o le a sue le isi $37 miliona e faapaleni ai le paketi ma faatumu ai le ava e $365 miliona.
