Ua matua’i teena e ta’ita’i o le Pasefika le faalavelave na tupu i Bondi i Sini i le amataga o le vaiaso a o faailoga le Hanukkah Festival a tagata Iutaia i Bondi Beach i le Aso Sa.
I se pepa o faamatalaga ua faailoa ai e le Palemia o Fiti, o Sitiveni Rabuka ua valaau ai mo le aua lava ne’i tuuina se avanoa i faiga faapea ma sauāga, gaioiga o le ita ma soo se ituaiga gaioiga faapea e aafia ai soifua o tagata, ae momoli ana faamaisega i aiga uma o ē ua aafia soifua.
Fai mai Rabuka talosia e maua le filemu ma le faamasinoga tonu.
Ua faailoa foi e Rabuka i le alii Palemia o Ausetalia, Anthony Albanese ona o le tulaga pagatia ua aafia ai lona atunuu ma le komiuniti o tagata Iutaia.
Faapea foi i le ta’ita’i o Papua Niu Kini o James Marape lea o loo lipotia i le RNZ le faaoo ane o ana faamaisega faatasi ma tagata o lona atunuu mo aiga ua aafia.
Ua ta’ua i le lipoti o loo faapea foi ona tuu ane le tau’au o le malo o Samoa ma isi atumotu o le Pasefika e mafatia faatasi ma Ausetalia ona o lea faalavelave mata’utia.
Puna o Faamatalaga: https://www.rnz.co.nz/international/pacific-news/582160/pacific-leaders-call-for-unity-after-bondi-attack
