Ua faia’ina le lafo o le lē faatuatuaina sa faia faasaga i le Palemia o Papua Niu Kini, James Marape ae ua valaau nei lē sa faatuina le lafo o Sir Peter Ipatas i le alii Palemia ia faia ni ana faai’uga faigatā i lona taimi o totoe i le faigamalo a o le’i faia le isi palota i le 2027.
O le i’uga o le palota i le lafo lea e 89-16 lona uiga e to’atele e lagolago i le Palemia.
I lalo la o tulafono fou na pasia i le amataga o le tausaga nei, e lē toe mafai ai ona faatuina se isi lafo o le lē faatuatuaina faasaga i le Palemia i totonu o le 18 masina.
Sa faailoa foi e Marape i se taimi ua tuana’i afai ae mālō mai i le palota o le lafo lea, o le a ave loa e lana faigamalo i le tulafono e tatau ona faamanino tuaoi o le faalavelave ane o le faamasinoga i mataupu faa-Palemene.
Puna o Faamatalaga: https://www.rnz.co.nz/international/pacific-news/558344/sir-peter-calls-for-bold-decisions-from-marape-after-failed-leadership-challenge
