Ua i’u lava ina aveina atu i Ausetalia mai Papua Niu Kini si masaga tama e pei ona tulituliloa pea i lipoti a talafou.
O le lipoti lata mai mai le RNZ ua faailoa ai ua faia se fautuaga a foma’i ua tatau loa ona faatino le ta’otoga e tuu eseese ai i la’ua.
Fai mai na faimalaga ane le foma’i faapitoa mai le falema’i o tamaiti mai Sini e fesoasoani i le aveina ane o le masaga mai Port Moresby i Sini ona e lē mafai ona faatino i Papua Niu Kini le ta’otoga mana’omia mo la’ua.
O loo nofo tapua’i nai mātua ma aiga aemaise le to’atele ua silafia le tala i le masaga, mo se taunuuga lelei i o la ta’otoga ma o loo fai talosaga foi le to’atele e talosia ia manuia.
Puna o Faamatalaga: https://www.rnz.co.nz/news/world/580915/rare-png-conjoined-twins-en-route-to-australia-as-case-reaches-critical-point
