Ua lapata’ia e sui mai Palesitina le ono oo lava i tulaga o le faamalosia o le agai ese e aunoa ma le loto iai, (forced displacement) ma i’u lava i le leai o ni mea e nonofo ai nisi ina ua faatonuina e le militeri a Isaraelu le tuuina i lalo o nisi o vaega o le West Bank; ina ua ta’ua tulaga tau le puipuiga.
Ta’ua e le ofisa o faasalalauga a le CNN, o le faamatalaga mai le Palestinian Refugee Affairs department ua o latou tē’ena ai le faai’uga lea mai ia Isaraelu ina ia tuuina i lalo fale e 25 sa nonofo ai tagata i nofoaga sulufa’i poo refugee camps lata i Tulkarem ma ta’ua ai e Palesitina ua matua’i solia ai tulafono faavaomalo i lea faaiuga.
O le aso ataeao lea ua fetaua’ina e ono amata ai ia galuega; fai mai Isaraelu o galuega ua tatau ma manaomia ona faatinoina.
Ua faailoa i le lipoti afai ae taunuu lea tulaga o lona uiga pe oo atu i le 32,000 le aofa’i o tagata Palesitina o le a sā’ilia nisi nofoaga e agai iai.
Puna o Faamatalaga: https://edition.cnn.com/2025/12/16/middleeast/palestinians-warn-mass-displacement-israel-latam-intl
