Ua faifai tetele ane lava tulaga lē lelei i le mafutaga a Initia ma Pakistan talu mai faamatalaga a se tasi o sui sinia mai Pakistan e faapea o loo iai le malamalamaga e i’u ina faia se osofa’iga faamiliteli a New Delhi faasaga ia Islamabad i se taimi e lē o toe mamao.
E le’i auiliiliina ane e le sui lea poo ā faamaoniga o ana faamatalaga ae o le matāupu lea na afua mai ona iai se tulaga lē manuia le sootaga o atunuu e lua, o le faalavelave na fasiotia ai tulisi e 26 mai se vaega mauga o Initia i se taimi e le’i mamao atu.
Ua tuua’ia ai e Initia Pakistan i le aofia i le osofa’iga lea e ui o loo finau mai Islamabad e lē o latou.E lē o faailoaina i le lipoti se faamatalaga a Initia i le matāupu lenei.
Puna o Faamatalaga: https://www.9news.com.au/world/pakistan-claims-it-has-credible-intelligence-india-will-strike-within-36-hours/eefd5168-d6bc-41b9-a526-12cb48b899ee
