O le osofaiga muamua a leoleo i le masina amata o lenei tausaga fou 2024 i se aiga i Malifa, ua taofia ai tagata e toa sefuluvalu e aofia ai tama tane e to’a sefulufā ma tamaitai e toafā.
O i latou uma ia na maua i le nofoaga na faatutu iai le osofaiga poo se drug raid na maua ai pauta faasāina o le ‘aisa le methamphetamine, o ni laau malosi, o tupe ma masini faatekonolosi.
Ua faailoa e le komesina o leoleo i le aufaasalalau o le toa sefuluvalu na taofia mai i le osofaiga o le a suesueina uma ma iloa ai pe iai uma ni o latou aafiaga i le umia o nakoti poo pauta ma fualaau faasāina.
Le Komesina o leoleo Auapaau Logoitino Filipo, ina ua talanoa atu i le autusitala ma le aufaasalalau i le aoauli o le Aso Faraile na tea nei ina ua mae’a le osofaiga a Malu o le Malo i Malifa.
