E toatasi le tagata na faamanualia i le osofaiga e le augaoi i se faleoloa i Aukilani i le po anapo.
Ua ta’ua i lipoti mai leoleo i le asō na valaau ane le latou fesoasoani i le ‘afa o le valu mai se nofoaga faapisinisi i Dominion Road i Mt Roskill, fai mai lipoti o se kulupu o tagata na vaaia o ulufale i se faleoloa ma faatonuina le tuu ane o oloa ae ta’ua foi i le lipoti a le Herald sa faaaupegaina i latou ia.
E le tigaina tele manuaga o lē o loo aafia e pei ona faailoa e leoleo ae fai mai o le kulupu lea na agai ese mai i se taavale lea na maua mulimuli ane ua tia’i i Revel Ave.
O loo faaauau le suesuega a leoleo i le taimi nei.
