O loo lipotia na faatele ona tatiu sei tulou se alii 45 tausaga I lona fale I Greystanes ile itu I sisifo o Sini I le faaiuga o le vaiaso ma susunuina e tagata lona fale ma o loo faia nei togafitiga I sia alii ma taumafai leoleo e faataunuu le sailiga o I latou na faia lea gaioiga le alofa.
Lipotia e le alaata 7 a Ausetalia poo le ta o le 11 ile po o le aso toonai talu ai na tuitui ai nisi I le fale o sia alii I Ringrose Aenue ma ina ua tatala ane iai le faitotoa na iloa ai ni alii se toatolu tino eese laeiina ni ofu fai pulou ma fosi le latou agai ane I totonu o le fale.
Fai mai lipoti feaveai na maua ei latou ia se naifi I totonu o le fale ma faaoo ai loa manuaga I le 45 tausaga lea ma susunu se vaega o lona fale. Taunuu ane leoleo mulimuli ane ma auina atu le na aafia I le falemai mo togafitiga.
Pau le faamatalaga o loo agina mai I lipoti e foliga mai o se mataupu ua osofai sese sia alii ae le o le tagata lea sa tatau ona agai iai le osofaiga, O loo faia suesuega I le taimi nei
