Ua toe ta’ua mai foi le isi osofaiga e faaaogā ai le agaese e tatui ai tagata i Sini lava i Ausetalia, ma ua lē faia i e nofoaga faatau ae o lea na tupu anapo i totonu o se malumalu a o faia se sauniga lotu.
E tusa o le itula e valu anapo lea na tupu ai i le malumalu a le ekalesia Wakeley’s Christ the Good Shepherd ma e tupu o loo faasalalau tuusa’o le misasa i luga o le initeneti.
O loo lipotia faapea a o lauga Bishop Mar Mari Emmanuel na savali atu iai i luga lē na faia le osofaiga ma ia faaoo loa manu’a e faaaogā ai se agaese i le tamā matua.
E tuufaatasia tala fou o loo ta’ua mai e toafā tagata manunu’a e aofia ai ma le faafeagaiga ma o lea foi na ave ai lava e leoleo lē na faia lenei osofaiga anapo.
Ua sau ai lenei tala ae faatoa lua aso talu ona uma le isi foi osofaiga faapenei i le nofoaga faatau i Sini lava lea ua maliliu ai le toaono ae manunu’a tigaina isi.
