Ua faavave atu i le falemai se alii na osofai e le tagata i fafo ane o se kalapu i Sini i le taeao analeila.
O se faamatalaga mai leoleo ua faailoa ai o lea tagata na faamanualia i lona fatafata ma le itu ina ua tatui e le tagata se’i tulou ae lei tāina le fā i le vaveao analeila i fafo ane o le Revesby Workers Club.
Fai mai sa ia taumafai e fesoasoani i se sekulati sa feta’ua’ina na faafefe e se tagata e 73 tausaga i se naifi, tulou.
Na aveina atu lē na faamanualia i le falemai i Liverpool mo togafitiga ae o le faamatalaga a leoleo na toe foi ane lava le tagata lea 73 tausaga ma lana auupega lea e faafefe ai le sekulati.
Na pueina e leoleo ma o loo taofia i le taimi nei a o faasolo suesuega.
