O le aso ua osofai ai e leoleo le fale o se tagata tusi faailo poo le signwriter I Canterbury lea o loo fetauaina lona faia o vaccine passes taufaasese, fake vaccine passes. Faailoa mai I lipoti o le nofoaga o loo faamautu ai le pisinisi a lea alii I tua ane o seisi fale i Ashley Street, Rangiora.

Taua mai e toatasi ua pueina e leoleo ae i le lipoti a le One News o loo taua ai o le tagata e suafa ia David Solvander lea na te faia lea tulaga e pei ona faailoa foi e le Stuff. O se laupapa faailo o loo I luma o le pa o lona fale o loo tusia ai upu, Stand up New Zealand.

O loo lipotia o le masina o Oketopa o le 2020 na faafalepuipui ai lona atalii o James Harrison Solvander, 33 tausaga ona o le maliu ose tama sa tietie atu I se uila afi ma si ona afafine ile vaitau tonu faatoa faia le uluai lockdown poo le vavao o le koronavairusi.